யாழ்ப்பாணத்தில் மேலும் இருவர் கொவிட்-19 நோயினால் உயிரிழந்துள்ளனர் என்று யாழ்.போதனா வைத்தியசாலை தகவல்கள் தெரிவித்தன.
இதன் மூலம் யாழ்.மாவட்டத்தில் கொவிட்-19 நோயினால் உயிரிழந்தோர் எண்ணிக்கை 91 ஆக உயர்வடைந்துள்ளது.
யாழ்ப்பாணம் போதனா வைத்தியசாலையில் சிகிச்சை பெற்று வந்த நயினாதீவை சேர்ந்த 60 வயதுடைய பெண் ஒருவரே இவ்வாறு உயிரிழந்துள்ளார்.
யாழ்ப்பாணம் வெள்ளாந்தெருவைச் சேர்ந்த 60 வயதுடைய ஆண் ஒருவரும் கொவிட்-19 நோயினால் உயிரிழந்துள்ளார்.
அத்துடன், யாழ்.மாவட்டத்தில் கொவிட்-19 நோயினால் பாதிக்கப்பட்டோர் எண்ணிக்கை 5 ஆயிரத்து 291 ஆக உயர்வடைந்துள்ளது.
