யாழ்ப்பாணம்,கொக்குவில் மேற்கு பகுதியில் இரண்டு வீடுகளுக்குள் புகுந்த வன்முறைக் கும்பல் ஒன்று, பெறுமதியான பொருட்களை அடித்து சேதப்படுத்தி விட்டு தப்பி சென்றுள்ளது.
இந்தச் சம்பவம் செவ்வாய்க்கிழமை (29) பிற்பகல் இடம்பெற்றது என்று பொலிஸார் தெரிவித்தனர்.
6 மோட்டார் சைக்கிள்களில் வாள், இரும்பு கம்பி மற்றும் கூரிய ஆயுதங்களுடன் வந்திறங்கிய 9 பேர் கொண்ட கும்பல் இரண்டு வீடுகளுக்குள் புகுந்து பெறுமதியான தளபாடங்களை அடித்துடைத்ததுடன் அடாவடியிலும் ஈடுபட்டுள்ளது.
வீட்டிலிருந்தவர்களை அச்சுறுத்தும் வகையில் இந்த வன்முறைக் கும்பல் அடாவடியில் ஈடுபட்டதாக பொலிஸார் தெரிவித்தனர்.
சம்பவம் தொடர்பில் பொலிஸார் விசாரணைகளை முன்னெடுத்துள்ளனர்.
