இலங்கையில் கொவிட் தொற்றால் பாதிக்கப்பட்ட மேலும் 43 பேர் உயிரிழந்துள்ளனர்.
அவற்றில் 4 மரணங்கள் நேற்றைய தினமும் ஏனைய மரணங்கள் மே 20 முதல் 30 ஆம் திகதி வரையான காலப்பகுதியிலும் பதிவாகியுள்ளதாக அரசாங்க தகவல் திணைக்களத்தினால் நேற்று இரவு வெளியிடப்பட்ட அறிக்கையில் தெரிவிக்கப்பட்டுள்ளது.
இதற்கமைய, நாட்டில் கொரோனா தொற்றினால் உயிரிழந்தவர்களின் மொத்த எண்ணிக்கை 1,484 ஆக அதிகரித்துள்ளது.
இதேவேளை நேற்றைய தினத்தில் 2,882 பேருக்கு தொற்று உறுதி செய்யப்பட்டுள்ளது.
இதற்கமைய இலங்கையில் கொவிட் தொற்றுக்கு உள்ளானோரின் மொத்த எண்ணிக்கை 185,661 ஆக உயர்வடைந்துள்ளதாக கொவிட் தடுப்பு செயலணி தெரிவித்துள்ளது.
இந்நிலையில் நேற்றைய தினத்தில் 1,915 பேர் தொற்றில் இருந்து பூரண குணமடைந்து வைத்தியசாலைகளில் இருந்து வெளியேறியுள்ளதாகவும், இதன்படி குணமடைந்தோரின் எண்ணிக்கை 151,740 ஆக உயர்வடைந்துள்ளதாகவும் கொவிட் தடுப்பு செயலணி குறிப்பிட்டுள்ளது.
இதேவேளை கொவிட் தொற்றுக்கு உள்ளான 33,140 பேர் தற்போது மருத்துவமனைகளில் சிகிச்சைப் பெற்று வருகின்றனர்.
