சோதனையின்போதும், தனிமைப்படுத்தப்பட்ட சட்டத்தை அமுல்படுத்தும் போதும் பொதுமக்களை துன்புறுத்தவோ, சங்கடப்படுத்தவோ கூடாது என்று பொலிஸ் மா அதிபர் சி.டி. விக்ரமரத்ன,பொலிஸ் அதிகாரிகளுக்கு அறிவுறுத்தியுள்ளார்
மேலும் எதிர்காலத்தில் இதுபோன்ற சம்பவங்கள் இடம்பெற்றால் அதிகாரிகள் மீது நடவடிக்கை எடுக்கப்படும் என்றும் மூத்த பொலிஸ் அதிகாரி ஒருவர் டெய்லி மிரர் பத்திரிகைக்கு தெரிவித்துள்ளார்.
கொவிட் -19 வைரஸ் பரவுவதைத் தடுக்க பயணக் கட்டுப்பாடுகள் விதிக்கப்படும்போதும், தனிமைப்படுத்தப்பட்ட சட்டங்களை செயல்படுத்தும்போதும் பொலிஸார் வாகனங்கள் மற்றும் மக்களை வீதி தடைகள் மற்றும் பிற இடங்களில் சோதனை செய்கிறார்கள்.
இருப்பினும், சில பொலிஸ் அதிகாரிகள் பொதுமக்களுக்கு சங்கடத்தை ஏற்படுத்தும் வகையில் செயல்படுவது வீடியோ காட்சிகளிலும் ஊடகங்களிலும் வெளியாகியுள்ளது.
இந்நிலையில் மூத்த பொலிஸ் அதிகாரிகளுடனான கூட்டத்தில், சில அதிகாரிகளின் நடவடிக்கைகளை கடுமையாக விமர்சித்த பொலிஸ் மா அதிபர், இதுபோன்ற சம்பவங்களைத் தடுக்க நடவடிக்கை எடுக்குமாறு மூத்த அதிகாரிகளுக்கு அறிவுறுத்தியுள்ளார்.
சில அதிகாரிகளின் இத்தகைய நடவடிக்கை பொதுமக்கள் மத்தியில் பொலிஸ் திணைக்களத்தின் நற்பெயருக்கு பெரும் பாதிப்பை ஏற்படுத்திவிடும் என்றும் பொலிஸ் மா அதிபர் தெரிவித்துள்ளார்.
அதன்படி, வாகனங்கள் மற்றும் மக்களை சோதனை செய்யும் போது சட்டங்களை மீறுபவர்களுக்கு எதிராக மாத்திரமே தனிமைப்படுத்தப்பட்ட சட்டத்தை அமுல்படுத்த வேண்டும் என்றும்,அதற்காக அவர்களை துன்புறுத்தும் வகையில் நடத்தக்கூடாது என்றும் பொலிஸ் மா அதிபர் தெரிவித்துள்ளார் என்றும் அந்த அதிகாரி தெரிவித்துள்ளார்.
