இலங்கையில் வெள்ளிக்கிழமை 19 கொரோனா மரணங்கள் பதிவாகியுள்ளன என்று அரச தகவல் திணைக்களம் அறிவித்துள்ளது.
இதுவே நாட்டில் நாளொன்றில் பதிவான அதிகபட்ச கொரோனா மரணம் எனவும் அறிவிக்கப்பட்டுள்ளது.
அதற்கமைய, நாட்டில் கொரோனா தொற்றால் உயிரிழந்தவர்களின் மொத்த எண்ணிக்கை 764 ஆக அதிகரித்துள்ளது.
இதேவேளை, இலங்கையில் வெள்ளிக்கிழமை மாத்திரம் 1,914 பேர் கொரோனா வைரஸ் தொற்றுடன் அடையாளம் காணப்பட்டுள்ளனர்.
இதையடுத்து நாட்டில் கொரோனா தொற்றால் பாதிக்கப்பட்டவர்களின் மொத்த எண்ணிக்கை ஒரு இலட்சத்து 21 ஆயிரத்து 338 ஆக உயர்வடைந்துள்ளது.
கொரோனா நோயாளர்களில் ஒரு இலட்சத்து ஆயிரத்து 763 பேர் குணமடைந்துள்ளனர் என்றும், 18 ஆயிரத்து 830 பேர் சிகிச்சை பெற்று வருகின்றனர் என்றும் அரச தகவல் திணைக்களம் மேலும் தெரிவித்துள்ளது.
