பூசா அதி பாதுகாப்பு சிறைச்சாலைக்கு 30 கைதிகள் மாற்றப்பட்டுள்ளதாக சிறைச்சாலைகள் ஊடகப் பேச்சாளர் சந்தன ஏக்கநாயக்க தெரிவித்தார்.
பூசா சிறைச்சாலையில் புதிதாக நிர்மாணிக்கப்பட்ட சிறைக்கூடங்களுக்கே இவர்கள் மாற்றப்பட்டுள்ளதாக அவர் கூறினார்.
திட்டமிட்ட குற்றச்செயல்களில் ஈடுபட்ட மற்றும் போதைப்பொருள் கடத்தலுடன் தொடர்புடைய 30 கைதிகளே இவ்வாறு மாற்றப்பட்டுள்ளதாக சிறைச்சாலைகள் ஊடகப் பேச்சாளர் குறிப்பிட்டார்.
24 மணித்தியால சி.சி.ரி.வி. கண்காணிப்பு மற்றும் விசேட அதிரடிப்படையினரின் நடமாடும் கண்காணிப்பு நடவடிக்கையின் கீழ் பூசா அதி பாதுகாப்பு சிறைச்சாலை பராமரிக்கப்படுவதாக சிறைச்சாலைகள் ஊடகப் பேச்சாளர் மேலும் தெரிவித்துள்ளார்.
