இலங்கையின் 1996 உலகக் கிண்ண கிரிக்கெட் அணி யாழ்ப்பாணத்தை மையமாகக் கொண்ட கிரிக்கெட் அணியொன்றுடன் விளையாடவுள்ளதாகத் தெரிவிக்கப்பட்டுள்ளது.
இலங்கை கிரிக்கெட் அணி உலகக் கிண்ணத்தை வெற்றிகொண்டு 25 வருடங்கள் பூர்த்தியாகின்றதை முன்னிட்டே, இந்தப் போட்டி ஏற்பாடு செய்யப்பட்டுள்ளது.
இந்தப் போட்டி யாழ்ப்பாணத்தில் எதிர்வரும் மார்ச் மாதம் 26- 28 ஆம் திகதிகளில் நடைபெறவுள்ளதாகவும் தெரிவிக்கப்பட்டுள்ளது.
யாழ்ப்பாணத்தில் இருந்து இலங்கை தேசிய அணிக்கு விளையாடிய வீரர் ஒருவரே, யாழ். கிரிக்கெட் அணிக்கு தலைமை தாங்கவுள்ளதாகவும் தெரிவிக்கப்பட்டுள்ளது.
இலங்கை அணியின் உலகக் கிண்ண வெற்றியை நினைவுகூறும் வகையில் இம்முறை பல்வேறு நிகழ்வுகளும் ஏற்பாடு செய்யப்பட்டுள்ளமை குறிப்பிடத்தக்கது.
