நாளாந்த கொரோனா தொற்றாளர் எண்ணிக்கையில் உயர்வு: இலங்கையின் இன்றைய நிலவரம்

இலங்கையில் இன்றைய தினத்தில் 848 பேருக்கு கொரோனா தொற்று உறுதி செய்யப்பட்டுள்ளது.

இதன்படி நாட்டில் கொரோனா தொற்றுக்கு உள்ளானோரின் மொத்த எண்ணிக்கை 63,293 ஆக அதிகரித்துள்ளது.

தொடர்ச்சியாக மூன்றாவது நாளாகவும் நாட்டில் கொரோனா தொற்றாளர்களின் எண்ணிக்கை 800 ஐ கடந்துள்ளது.

இந்த எண்ணிக்கை எதிர்வரும் நாட்களில் மேலும் அதிகரிக்கலாம் என சுகாதார தரப்பினர் எச்சரிக்கை விடுத்துள்ளனர்.

இதேவேளை கொரோனா தொற்றுக்கு உள்ளாகியிருந்தவர்களில் 879 பேர் இன்றைய தினத்தில் குணமடைந்துள்ளதாக கொவிட் தடுப்புக்கான செயலணி தெரிவித்துள்ளது.

இதற்கமைய நாட்டில் கொரோனா தொற்றில் இருந்து இதுவரை 56,277 பேர் குணமடைந்துள்ளதுடன், 6,703 பேர் வைத்தியசாலைகளில் சிகிச்சை பெற்று வருகின்றனர்.

8 மரணங்கள் பதிவு

கொரோனா தொற்றால் பாதிக்கப்பட்டிருந்த மேலும் 8 பேர் உயிரிழந்துள்ளதாக அரசாங்கத் தகவல் திணைக்களம் தெரிவித்துள்ளது.

இன்று பதிவாகிய உயிரிழப்புகளுக்கமைய நாட்டில் கொரோனாவால் உயிரிழந்தவர்களின் மொத்த எண்ணிக்கை 313 ஆக உயர்வடைந்துள்ளது.

37,825 பேருக்கு தடுப்பூசி ஏற்றப்பட்டது

இலங்கையில் இதுவரை 37,825 பேருக்கு கொரோனா தடுப்பூசி ஏற்றப்பட்டுள்ளது.

நேற்று 5,286 பேருக்கும், இன்று 32,539 பேருக்கும் தடுப்பூசி ஏற்றப்பட்டுள்ளதாக சுகாதார அமைச்சு தெரிவித்துள்ளது.