கண்டி – புவெலிகட பிரதேசத்தில் 5 மாடிக் கட்டிடமொன்று தாழிறங்கியுள்ள நிலையில், அதன் இடிபாடுகளுக்குள் சிக்கியுள்ளவர்களை தேடி மீட்பு குழுவினர் நடவடிக்கையில் ஈடுபட்டுள்ளனர்.
இவ் அனர்த்தத்தில் இடிபாடுகளுக்குள் சிக்குண்டிருந்த நிலையில் மீட்கப்பட்ட ஒன்றரை மாதக் குழந்தை உயிரிழந்துள்ளது. இடிபடுகளுக்குள் சிக்கியுள்ள மற்றைய இருவரையும் தேடி தொடர்ந்தும் நடவடிக்கை முன்னெடுக்கப்பட்டு வருவதாக பொலிஸார் தெரிவித்துள்ளனர்.
இன்று அதிகாலை குறித்த கட்டிடம் தாழிறங்கிய போது, அதன் இடிபாடுகள் பக்கத்தில் உள்ள வீடொன்றின் மீது விழுந்துள்ளன. இதன்போது அந்த வீட்டில் இருந்த 5 பேரில் 3 பேர் இடிபாடுகளுக்குள் சிக்கியுள்ளார்.
