கொழும்பு மற்றும் கம்பஹா மாவட்டங்களில் தனிமைப்படுத்தப்பட்டுள்ள பிரதேசங்களில் சிலவற்றை அதிலிருந்து விடுவிப்பதற்கும், மற்றைய பிரதேசங்களை தொடர்ந்தும் தனிமைப்படுத்தலில் வைத்திருக்கவும் கொவிட் தடுப்புக்கான தேசிய செயலணி தீர்மானித்துள்ளது.
இதன்படி நாளை அதிகாலை 5 மணி முதல் கொழும்பில் மோதரை பொலிஸ் பிரிவுக்கு உட்பட்ட பிரதேசங்கள் தனிமைப்படுத்தலில் இருந்து விடுவிக்கப்படவுள்ளன.
அத்துடன் வாழைத்தோட்டம் பொலிஸ் பிரிவில் புதுக்கடை கிழக்கு மற்றும் மேற்கு கிராம சேவகர் பிரிவுகள், பொரளை பொலிஸ் பிரிவில் வனாத்துமுல்லை கிராம சேவகர் பிரிவு மற்றும் மீரிஹான பொலிஸ் பிரிவில் தெமலவத்த ஆகிய பிரதேசங்களும் தனிமைப்படுத்தலில் இருந்து விடுவிக்கப்படவுள்ளன.
ஆனபோதும் கொட்டாஞ்சேனை, கிரேண்ட்பாஸ், ஆட்டுப்பட்டித்தெரு, மாளிகாவத்தை, தெமட்டகொட, ஆகிய பொலிஸ் பிரிவுகளுக்கு உட்பட்ட பிரதேசங்களும் மற்றும் மட்டக்குளி பொலிஸ் பிரிவில் பேர்ஹசன் வீதியின் வலதுபக்கம் உள்ளிட்ட பிரதேசங்களும் தொடர்ந்தும் தனிமைப்படுத்தப்பட்டிருக்கும்.
இதேவேளை கம்பஹா மாவட்டத்தில் பேலியாகொட பொலிஸ் பிரிவில் பேலியாகொட, மீஹவத்த, ரோஹண விகார மாவத்தை ஆகிய கிராம சேவகர் பிரிவுகளுக்கு உட்பட்ட பிரதேசங்களும், கிரிபத்கொடவில் ஶ்ரீ ஜயந்தி மாவத்தை பிரதேசமும் நாளை காலை முதல் தனிமைப்படுத்தலில் இருந்து விடுவிக்கப்படவுள்ளதாக அறிவிக்கப்பட்டுள்ளது.
எவ்வாறாயினும் நாட்டில் தனிமைப்படுத்தப்பட்டுள்ள மற்றைய பிரதேசங்கள் மறு அறிவித்தல் வரையில் தொடர்ந்தும் தனிமைப்படுத்தப்பட்டிருக்கும் என்றும் கொவிட் தடுப்புக்கான தேசிய செயலணி அறிவித்துள்ளது.
