கொழும்பில் இன்று முதல் நடைமுறைக்கு வந்துள்ள வீதி ஒழுங்கை சட்டத்தால் பிரதான வீதிகளில் கடும் வாகன நெரிசல் நிலைமை ஏற்பட்டுள்ளது.
இன்று காலை முதல் கொழும்பில் பேஸ்லைன் வீதி , ஹைலெவல் வீதி , காலி வீதி உள்ளிட்ட பிரதான வீதிகளில் வீதி ஒழுங்கைச் சட்டம் நடைமுறைப்படுத்தப்பட்டுள்ளது.இதனால் அந்தந்தந்த வாகனங்களுக்கென ஒதுக்கப்பட்டுள்ள ஒழுங்கைகளிலேயே வாகனங்கள் பயணிக்க வேண்டும்.
இவ்வாறாக இந்த சட்டம் அமுல்படுத்தப்பட்டுள்ளதால் கொழும்பு – கண்டி பிரதான வீதியில் பேலியகொட மற்றும் களனி பலங்களை அண்மித்த பகுதி , தெஹிவளை , பொரளை , நுகேகொட ஆகிய பிரதேசங்களில் பிரதான வீதிகளிலும் குறுக்கு வீதிகளிலும் கடும் வாகன நெரிசல் நிலவி வருகின்றது. வீதிகளில் ஏற்படும் வாகன நெரிசலை கட்டுப்படுத்தும் நோக்கிலேயே, வீதி ஒழுங்கைச் சட்டம் நடைமுறைப்படுத்தப்பட்டது என்பது குறிப்பிடத்தக்கது.
