இலங்கை மற்றும் தென் ஆபிரிக்க அணிகளுக்கிடையிலான 2 போட்டிகள் கொண்ட டெஸ்ட் கிரிக்கெட் தொடரின் முதலாவது போட்டி இன்று ஆரம்பமாகின்றது.
இலங்கை நேரப்படி பிற்பகல் 1.30 மணிக்கு செஞ்சூரியனில் இந்தப் போட்டி ஆரம்பமாகவுள்ளது.
டெஸ்ட் தொடரில் உபாதைக்குள்ளான இலங்கை அணியின் வேகப்பந்து வீச்சாளர் சுரங்க லக்மால் இந்தக் குழாத்திலிருந்து நீக்கப்பட்டுள்ளதாக அறிவிக்கப்பட்டுள்ளது.
இந்நிலையில், சுரங்க லக்மாலுக்குப் பதிலாக கசுன் ராஜித்த அணியில் இணைத்துக்கொள்ளப்பட்டுள்ளதாக தெரிவிக்கப்படுகின்றது.
சிரேஷ்ட வீரர்களான குசல் ஜனித் பெரேரா, டில்ருவன் பெரேரா, டினேஷ் சந்திமால், குசல் மென்டிஸ், தனஞ்சய டி சில்வா, நிரோஷன் திக்வெல்ல, லஹிரு திரிமான்ன, தசுன் ஷானக உள்ளிட்ட வீரர்கள் பெயரிடப்பட்டுள்ளனர்.
லசித் அம்புல்தெனிய, துஷ்மந்த சமீர, சந்துஷ் குணதிலக, அசித பெர்னாண்டோ, டில்ஷான் மதுசங்க ஆகியோரும் இலங்கை குழாத்தில் இடம்பெற்றுள்ளனர்.
திமுத் கருணாரத்ன தலைமையிலான இலங்கை அணியும், குயின்டன் டீ குக் தலைமையிலான தென் ஆபிரிக்க அணியும் இந்த போட்டியில் மோதவுள்ளமை குறிப்பிடத்தக்கது.
