இலங்கையில் பல மாவட்டங்களில் இன்று அதிகாலை முதல் கடும் மழையுடன் கூடிய வானிலை நிலவுகின்றது. இன்று காலை வரையில் கொழும்பு மாவட்டத்திலேயே அதிக மழை வீழ்ச்சி பதிவாகியுள்ளதாக வளிமண்டலவியல் திணைக்களம் தெரிவித்துள்ளது.
இதன்படி கொழும்பில் 121 மில்லிமீட்டர் , காலியில் 112 மில்லிமீட்டர் மழை வீழ்ச்சி பதிவாகியுள்ளது. இதேவேளை இன்று அதிகாலை வளிமண்டலவியல் திணைக்களம் வெளியிட்டுள்ள சிவப்பு எச்சரிக்கை அறிவித்தலில் 12 மாவட்டங்களில் மழையுடனான வானிலை தொடருமென்று தெரிவிக்கப்பட்டுள்ளது.
இதன்படி கொழும்பு , களுத்துறை , கம்பஹா , கேகாலை , இரத்தினபுரி , கண்டி , நுவரெலியா , மாத்தளை , குருநாகல் , புத்தளம் , காலி மற்றும் மாத்தறை மாவட்டங்களில் அதிக மழை பெய்யுமென எதிர்வு கூறப்பட்டுள்ளது.
