கொரோனா வைரஸ் தொற்று பரவல் காரணமாக அம்பாறை மாவட்டத்தில்சில பிரதேசங்கள் இன்று காலை 6 மணி முதல் முடக்கப்பட்டுள்ளதாக இராணுவ தளபதி லெப்டினன் ஜெனரல் ஷவேந்திர சில்வா தெரிவித்துள்ளார்.
இதன்படி அக்கரைப்பற்று பொலிஸ் பிரிவில் அக்கரைபற்று 03. 05 மற்றும் 14 ஆகிய பகுதிகளும், அட்டாளைச்சேனை பொலிஸ் பிரிவில் பாலமுனை 01, ஒலுவில் 02, அட்டாளைச்சேனை 08 ஆகிய பகுதிகளும் முடக்கப்பட்டுள்ளன.
அத்துடன், ஆலையடிவேம்பு பொலிஸ் பிரிவில் ஆலையடிவேம்பு 8/01, ஆலையடிவேம்பு 8/03 மற்றும் ஆலையடிவேம்பு 9 ஆகிய பகுதிகள் தனிமைப்படுத்தப்பட்டுள்ளதாக அறிவிக்கப்பட்டுள்ளது.
இதேவேளை மொனராகலை மாவட்டத்தின் அலுபொத்த கிராம சேவகர் பிரிவும் முடக்கப்பட்டுள்ளமை குறிப்பிடத்தக்கது.
