‘இந்தியன் பிரீமியர் லீக்’ (ஐபிஎல்) டி-20 கிரிக்கெட் போட்டிகள் மார்ச் 26ஆம் திகதி முதல் ஆரம்பிக்கப்படவுள்ள நிலையில் அதற்கான அணிகளின் தலைவர்கள் தொடர்பான விபரங்கள் அறிவிக்கப்பட்டுள்ளன.
இம்முறை தொடரில் 10 அணிகள் பங்கேற்கும் நிலையில் அவற்றில் ரோயல் சேலஞ்சர்ஸ் அணி தவிர மற்றைய 9 அணிகளின் தலைவர்களும் அறிவிக்கப்பட்டுள்ளனர்.
இந்த ஐ.பி.எல். சீசனில் 2 புதிய அணிகள் பங்கேற்கின்றன. இதில் லக்னோ அணியை கொல்கத்தாவை சேர்ந்த தொழிலதிபரான சஞ்சீவ் கோயங்காவின் ஆர்.பி.எஸ்.ஜி. குழுமம் ரூ.7,090 கோடிக்கு வாங்கி உள்ளது.
அகமதாபாத் அணியை சர்வதேச பங்கு முதலீட்டு நிறுவனமான சி.வி.சி. கேப்பிட்டல் ரூ.5,600 கோடிக்கு வாங்கி உள்ளது. புதிய அணிகளுக்கு லக்னோ சூப்பர் ஜெயன்ட்ஸ், குஜராத் டைட்டன்ஸ் என பெயர் வைக்கப்பட்டுள்ளது.
‘இந்தியன் பிரீமியர் லீக்’ (ஐபிஎல்) டி-20 கிரிக்கெட் போட்டிகள் மார்ச் 26ஆம் திகதி முதல் ஆரம்பிக்கப்படவுள்ள நிலையில் அதற்கான அணிகளின் தலைவர்கள் தொடர்பான விபரங்கள் அறிவிக்கப்பட்டுள்ளன.
இம்முறை தொடரில் 10 அணிகள் பங்கேற்கும் நிலையில், அவற்றில் ரோயல் சேலஞ்சர்ஸ் அணி தவிர மற்றைய 9 அணிகளின் தலைவர்களும் அறிவிக்கப்பட்டுள்ளனர்.
பழைய அணிகளில் கொல்கத்தா, பஞ்சாப் ஆகிய இரு அணிகளுக்கும் புதிய தலைவர்கள் நியமிக்கப்பட்டு உள்ளனர்.
இதன்படி சென்னை சூப்பர் கிங்ஸ் அணிக்கு டோனியும், மும்பை இந்தியன்ஸ் அணிக்கு ரோகித்சர்மாவும், டெல்லி கெப்பிட்டல்ஸ் அணிக்கு ரிஷப்பண்ட் ஆகியோர் நியமிக்கப்பட்டுள்ளனர்.
அத்துடன், கொல்கத்தா நைட் ரைடர்ஸ் அணிக்கு ஸ்ரேயாஸ் அய்யரும், ராஜஸ்தான் ரோயல்ஸ் அணிக்கு சஞ்சு சாம்சனும், பஞ்சாப் கிங்ஸ் அணிக்கு மயங்க் அகர்வால் நியமிக்கப்பட்டுள்ளார்.
இதேவேளை இம்முறை புதிதாக இணைத்துக்கொள்ளப்பட்டுள்ள லக்னோ சூப்பர் ஜெயன்ட்ஸ் அணிக்கு லோகேஷ் ராகுலும், குஜராத் டைட்டன்ஸ் அணிக்கு ஹர்திக் பாண்ட்யாவும் நியமிக்கப்பட்டுள்ளதாக அறிவிக்கப்பட்டுள்ளது.
மார்ச் 26 ஆம் திகதி முதல் மே 29 ஆம் திகதி வரையில் மும்பை மற்றும் புனேயில் நடைபெறவுள்ள ஐபிஎல் தொடரில் 70 லீக் ஆட்டங்கள் நடக்கவுள்ளன.
