மேற்கிந்திய தீவுகளை வீழ்த்தி டெஸ்ட் தொடரைக் கைப்பற்றியது இலங்கை

மேற்கிந்திய தீவுகள் அணிக்கும் இலங்கை அணிக்கும் இடையிலான இரண்டாவது டெஸ்ட் போட்டியில் 164 ஓட்டங்களால் வெற்றி பெற்ற இலங்கை அணி, 2 போட்டிகளைக் கொண்ட டெஸ்ட் தொடரை 2-0 என கைப்பற்றியுள்ளது.

நவம்பர் 29ஆம் திகதி ஆரம்பமான இந்தப் போட்டியில் நாணயச் சுழற்சியில் வெற்றி பெற்ற இலங்கை அணி முதல் இன்னிங்ஸில் சகல விக்கெட்டுக்களையும் இழந்து 204 ஓட்டங்களை எடுத்தது.

பதிலுக்கு துடுப்பெடுத்தாடிய மேற்கிந்திய தீவுகள் அணி சகல விக்கெட்டுகளையும் இழந்து 253 ஓட்டங்களை எடுத்தது.

இரண்டாவது இன்னிங்ஸிற்காக இலங்கை அணி 9 விக்கெட்டுகளை இழந்து 345 ஓட்டங்களை பெற்ற வேளையில் போட்டியின் கடைசி நாளான இன்று முற்பகல் இன்னிங்ஸை இடைநிறுத்தியது.

இலங்கை அணி சார்பில் ஆட்டமிழக்காது சிறப்பாக துடுப்பெடுத்தாடிய தனன்ஜய டி சில்வா 155 ஓட்டங்களைப் பெற்றார்.

அதற்கமைய மேற்கிந்திய தீவுகள் அணிக்கு வெற்றி இலக்காக 297 ஓட்டங்கள் நிர்ணயிக்கப்பட்டது.

அந்த வகையில் இன்றைய 5ஆம் நாளில் மேற்கிந்திய தீவுகள் வெற்றி இலக்கை அடைய முடியாமல் 132 ஓட்டங்களுக்குள் ஆட்டமிழந்தது.

இலங்கை அணி சார்பில் சிறப்பாக பந்துவீசிய ரமேஷ் மெண்டிஸ் மற்றும் லசித் எம்புல்தெனிய ஆகிய இருவரும் தலா 5 விக்கெட்டுகளைக் வீழ்த்தினர்.

இப்போட்டியில், இரு இன்னிங்ஸிலும் 11 விக்கெட்டுகளைக் கைப்பற்றிய ரமேஷ் மெண்டிஸ் தொடரின் ஆட்ட நாயகனாக தெரிவானார்.

போட்டியின் நாயகனாக, தனன்ஜய டி சில்வா தெரிவு செய்யப்பட்டார்.