Photo: Sri Lanka Cricket
இலங்கை 19 வயதுக்குட்பட்ட கிரிக்கெட் அணியில் இடம்பெற்றுள்ள 26 வீரர்களுக்கு தலா ஒரு இலட்சம் ரூபா பண வெகுமதி இலங்கை கிரிக்கெட் சபையினால் வழங்கப்பட்டுள்ளது.
இவ்வருட இறுதியில் நடைபெறவுள்ள 19 வயதுக்குட்பட்டோருக்கான ஆசியக் கிண்ணம் மற்றும் அடுத்த வருடம் நடைபெறவுள்ள 19 வயதுக்குட்பட்டோருக்கான உலகக் கிண்ணம் ஆகிய தொடர்களை இலக்காகக் கொண்டு இலங்கை 19 வயதுக்குபட்ட கிரிக்கெட் அணிக்காக 26 வீரர்கள் தெரிவுசெய்யப்பட்டுள்ளனர்.
இந்த நிலையில், குறித்த வீரர்களின் திறமை மற்றும் அர்ப்பணிப்பை ஊக்கப்படுத்தும் வகையில் இலங்கை கிரிக்கெட் சபையினால் தலா ஒரு இலட்சம் ரூபா பண வெகுமதி வழங்க நடவடிக்கை எடுக்கப்பட்டுள்ளது.
இதேவேளை, இலங்கை 19 வயதுக்குட்பட்ட அணிக்காக தேர்ந்தெடுக்கப்பட்ட 26 வீரர்களுக்கும் கொழும்பு எஸ்எஸ்சி மைதானத்தில் நடத்தப்பட்ட 22 நாட்களைக் கொண்ட வதிவிட பயிற்சி முகாமானது நேற்று (29) வெற்றிகரமாக நிறைவுக்கு வந்தது.
இதனிடையே, இலங்கை 19 வயதுக்குட்பட்ட அணிக்கும், பங்களாதேஷ் 19 வயதுக்குட்பட்ட அணிக்கும் இடையிலான ஐந்து போட்டிகளைக் கொண்ட ஒருநாள் தொடர் எதிர்வரும் 15ஆம் திகதி முதல் ஆரம்பமாகவுள்ளமை குறிப்பிடத்தக்கது.
