சர்வதேச டெஸ்ட் கிரிக்கெட் கவுன்ஸிலின் துடுப்பாட்ட வீரர்களுக்கான தரவரிசையில் இங்கிலாந்து அணித்தலைவர் ஜோ ரூட் மூன்றாமிடத்துக்கு முன்னேறியுள்ளார். இந்தியாவுக்கு எதிரான முதல் டெஸ்ட் போட்டியில் இரட்டை சதமடித்ததன் மூலம் அவர் இந்த முன்னேற்றத்தை அடைந்துள்ளார்.
ஜோ ரூட் இதற்கு முன்னர் ஐந்தாமிடத்தில் இருந்தார். புதிய தரவரிசையில் இந்திய அணித்தலைவர் விராத் கோஹ்லி ஐந்தாமிடத்துக்கு பின்தள்ளப்பட்டுள்ளார்.
நியூஸிலாந்து அணித்தலைவர் கேன் வில்லியம்ஸன் முதலிடத்தை தக்கவைத்துக்கொண்டுள்ளார் அவுஸ்திரெலியாவின் ஸ்டீவன் ஸ்மித் இரண்டாமிடத்தில் இருக்கிறார்.
டெஸ்ட் பந்துவீச்சாளர்களுக்கான தரவரிசையில் இங்கிலாந்து வேகப்பந்துவீச்சாளர் ஜேம்ஸ் அன்டர்சன் மூன்றாமிடத்தைப் பிடித்துள்ளார். இதற்கு முன்பு ஆறாமிடத்திலிருந்த அவர் இந்தியாவுடனான முதல் டெஸ்ட் போட்டியில் ஆற்றலை வெளிப்படுத்தியதன் மூலம் இவ்வாறு முன்னேறியுள்ளார்.
அவுஸ்திரேலியாவின் பெட் கமின்ஸ் முதலிடத்தில் நீடிப்பதுடன் இங்கிலாந்து வீரர் ஸ்டுவர்ட் பிரொட் இரண்டாமிடத்தை பிடித்துள்ளார்.
