அவுஸ்திரேலிய பிக்பாஷ் இருபது 20 தொடரில் சிட்னி தண்டர் அணியை வீழ்த்தி, பிரிஸ்பேன் ஹீட் அணி சேலஞ்சர் சுற்றுக்கு முன்னேறியுள்ளது.
பிக்பாஷ் போட்டியின் நொக் அவுட் சுற்று கன்பெரா மைதானத்தில் நடைபெற்றது.
பிரிஸ்பேன் ஹீட் அணி 19.1 ஓவரில் 3 விக்கெட்டுக்களை இழந்து, 162 ஓட்டங்களைப் பெற்று, வெற்றி இலக்கை அடைந்துள்ளது.
நாணய சுழற்சியில் வெற்றிபெற்ற பிரிஸ்பேன் ஹீட் அணி முதலில் களத்தடுப்பைத் தெரிவு செய்துள்ளது.
இதனடிப்படையில், முதலில் துடுப்பெடுத்தாடிய சிட்னி தண்டர் அணி 20 ஓவர்கள் முடிவில் 8 விக்கெட் இழப்புக்கு 158 ஓட்டங்களைப் பெற்றுக்கொண்டுள்ளது.
பதிலுக்குத் துடுப்பெடுத்தாடிய பிரிஸ்பேன் ஹீட் அணி 162 ஓட்டங்களைப் பெற்று, வெற்றியைப் பதிவுசெய்துள்ளது.
பிக்பாஷ் லீக் தொடரில் சேலஞ்சர் சுற்றுப் போட்டிகள் இம்மாதம் 4 ஆம் திகதி ஆரம்பமாகவுள்ளன.
சேலஞ்சர் சுற்றில் பேர்த் ஸ்கார்சர்ஸ் அணி மற்றும் பிரிஸ்பேன் ஹீட் ஆகியன மோதிக்கொள்ளவுள்ளன.
சேலஞ்சர் சுற்றில் வெற்றி பெறும் அணி, பெப்ரவரி 6 ஆம் திகதி நடைபெறவுள்ள இறுதிப் போட்டியில் சிட்னி சிக்சர்ஸ் அணியை எதிர்கொள்ளவுள்ளது.
