Photo: BCCI/ IPL
கொரோனா அச்சம் காரணமாக பல்வேறு சந்தர்ப்பங்களில் பிற்போடப்பட்ட இந்தியன் பிரிமியர் லீக் இருபது20 கிரிக்கெட் தொடர் துபாயில் இன்று ஆரம்பமாகின்றது.
மும்பை இந்தியன்ஸ், சென்னை சூப்பர் கிங்ஸ், டெல்லி கெப்பிடல், கிங்ஸ் லெவன் பஞ்சாப், ராஜஸ்தான் ராயல்ஸ், கொல்கத்தா நைட் ரைடர்ஸ், ராயல் சேலஞ்சர்ஸ் பெங்களுர் மற்றும் ஹைதரபாத் சன் ரைசஸ் ஆகிய 8 அணிகள் பங்குபற்றும் இந்த தொடரில் 60 ஆட்டங்கள் இடம்பெறவுள்ளன.
ஐபிஎல் வரலாற்றில்- ராயல் சேலஞ்சர்ஸ் பெங்களுர் அணியின் தலைவர்- விராத் கோலி 5412 ஓட்டங்களுடன் அதிக ஓட்டங்களை குவித்தவர்கள் வரிசையில் முதலிடம் வகிக்கிறார். 170 விக்கெட்டுகளை வீழ்த்தியுள்ள- மும்பை இந்தியன்ஸின் – லசித் மலிங்க அதிக விக்கெட்டுகளை வீழ்த்திய வீரர்கள் வரிசையில் முன்னிலையில் இருக்கிறார்.இம்முறை ஐபிஎல் தொடரில் இலங்கை சார்பில் இசுரு உதான மாத்திரமே பங்கேற்கிறார்.
அவர் ராயல் சேலஞ்சர்ஸ் பெங்களுர் அணிக்காக களமிறங்கவுள்ளார். மும்பை இந்தியன்ஸ் தலைமை பயிற்சியாளராக இலங்கையின் மஹேல ஜயவர்தன பணியாற்றுகிறார். முதன்முறையாக அமெரிக்க வீரர் ஒருவர் (அலி கான்) ஐபிஎல்-இல் விளையாடுகிறார். பாகிஸ்தானில் பிறந்த அவர் கொல்கத்தா நைட் ரைடர்ஸ் அணிக்காக விளையாடுகின்றார்.
கடந்த தடவை இறுதி ஆட்டத்தில் மோதிய சென்னை சூப்பர் கிங்ஸ் – மும்பை இந்தியன்ஸ் அணிகள் இம்முறை முதல் ஆட்டத்தில் இன்று (இலங்கை/இந்திய நேரம் பி.ப 7:30) விளையாடுகின்றன.
