கொழும்பில் செவ்வாய்க்கிழமை நடைபெற்ற இலங்கை – அவுஸ்திரேலியா அணிகளுக்கு இடையிலான இரண்டாவது டி-20 கிரிக்கெட் போட்டியில் அவுஸ்திரேலியா அணி வெற்றிபெற்றுள்ளது.
போட்டியின் நாணய சுழற்சியில் அவுஸ்திரேலியா அணி வென்று, முதலில் களத்தடுப்பை தேர்ந்தெடுத்தது.
அதன்படி, முதலில் துடுப்பெடுத்தாடிய இலங்கை அணி 20 ஓவர்கள் நிறைவில் 9 விக்கெட்டுக்களை இழந்து 124 ஓட்டங்களை பெற்றது.
இதனை தொடர்ந்து 125 ஓட்டங்கள் என்ற வெற்றி இலக்கை நோக்கி துடுப்பெடுத்தாடிய அவுஸ்திரேலியா அணி 17.5 ஓவர்களில் 7 விக்கெட்களை இழந்து 126 ஓட்டங்களை பெற்று வெற்றியடைந்தது.
இதன்படி மூன்று போட்டிகளை கொண்ட டி-20 தொடரில் இரண்டு போட்டிகளில் வெற்றிபெற்று அவுஸ்திரேலியா அணி தொடரைக் கைப்பற்றியுள்ளது.
மூன்றாவது போட்டி எதிர்வரும் 11 ஆம் திகதி கண்டி, பல்லேகெல மைதானத்தில் நடைபெறவுள்ளது.
