சுதா கொங்கரா இயக்கத்தில் சூர்யா நடிப்பில் வெளியாகவுள்ள படம் ‘சூரரைப் போற்று’. இப்படம் இன்று இரவு 12 மணிக்கு அமேசான் பிரைமில் வெளியாக இருப்பதாக சூர்யா அறிவித்துள்ளார்.
தனது ரசிகர்களின் கையொப்பம் இட்ட பிரேம் ஒன்றையும் அவர் விண்வெளியில் லான்ச் செய்துள்ளார்.
இதனை அவர் ஒரு வீடியோ பதிவாக தனது டுவிட்டர் பக்கத்தில் வெளியிட்டு ரசிகர்களுக்கு நன்றிகளையும் தெரிவித்துள்ளார்.
இந்நிலையில் ‘சூரரைப் போற்று’ படம் குறித்த முதல் விமர்சனம் வெளியாகியிருக்கிறது.
சிறந்த இயக்குனர்கள்,முக்கிய நடிகர்கள் என பலரும் விமர்சனங்களை வெளியிட்டுள்ளார்கள்.
இந்த படம் ஒரு புதிய அனுபவம் என்றும், ‘சூரரைப் போற்று’ படத்திலுள்ள ஒவ்வொரு கதாபாத்திரமும் மனதைத் தொடுவதாகவும், சூர்யாவின் நடிப்பு இப்படத்திற்கு மிகப்பெரிய தூண் என்றும் இயக்குனர் பாண்டிராஜ் கூறியிருக்கிறார்.
இயக்குனர் சுதா கொங்கராவின் ஒவ்வொரு பிரேமும் பார்க்கும்பொழுது கடின உழைப்பை காணமுடிகிறது எனவும், இந்த படத்திற்கு இசை மிகவும் வலு சேர்த்திருப்பதாகவும் அவர் குறிப்பிட்டுள்ளார் .
முக்கியமாக இந்த படம் ரசிகர்களுக்கு விஷுவல் விருந்தாக இருக்கும் என்றும் கூறப்பட்டிருக்கிறது .
இந்த படத்தில் சூர்யாவின் நடிப்பு பாராட்டுக்கு உரியது எனவும் இந்த கதாபாத்திரத்துடன் சூர்யா வாழ்ந்துள்ளார் எனவும் கே.வி.ஆனந்த் குறிப்பிட்டிருக்கிறார்.
இதில் வரும் மாரா என்ற கதாபாத்திரத்தில் இருந்து தன் கண்களை எடுக்க முடியவில்லை என நடிகர் ஆர்யா கூறியுள்ளார் .
சூரரைப் போற்று படம் எவ்வாறு வெளிவந்திருக்கிறது, அது ரசிகர்களின் கவனத்தை ஈர்த்துள்ளதா என்ற விமர்சனங்களை இனி எதிர்பார்க்கலாம்.
https://twitter.com/Suriya_offl/status/1326442518431506432?s=20
