இந்திய முன்னாள் பிரதமர் ராஜீவ்காந்தி படுகொலை வழக்கில் தண்டனை அனுபவித்து வரும் ஏழு தமிழர்கள் விடுதலை தாமதமாவதற்கு யார் காரணம் என்பது தமிழக ஆளுநருக்கு தெரியும் என கவிஞர் வைரமுத்து தன்னுடைய டுவிட்டர் பதிவில் பதிவிட்டுள்ளார்.
அந்த பதிவில் மேலும் தெரிவிக்கப்பட்டுள்ளதாவது;
எழுவர் விடுதலைக்கு ஆதரவாக உச்சநீதிமன்றம் கருணை காட்டுகின்றது.தமிழக அமைச்சரவை முன்னரே தீர்மானம் நிறைவேற்றிவிட்டது.எங்களுக்கு மறுப்பில்லை என காங்கிரஸ் கட்சியும் பெருந்தன்மை காட்டுகின்றது.இந்நிலையில் இந்த விடுதலைக்கு தடை யார் என்பது ஆளுநருக்கே தெரியும் என வைரமுத்து அதில் பதிவிட்டுள்ளார்.
