ஆட்சிக்கு வந்த ஒன்றரை மாதத்திலேயே மிக சிறப்பாக செயல்பட்டு உலகமே உற்று பார்க்கும் வகையில் கொரோனாவை கட்டுக்குள் கொண்டு வந்து விட்டார் தமிழக முதல்வர் என நடிகர் வடிவேலு தெரிவித்துள்ளார்.
சென்னை தலைமை செயலகத்தில் முதல் அமைச்சர் மு.க.ஸ்டாலினிடம் 5 லட்சம் நிதியை நேரடியாக கொடுத்த நடிகர் வடிவேலு செய்தியாளர்களை சந்தித்தார்.
அப்போது நல்லா இருக்குற தமிழ்நாட்டை பிரிக்காதீர்கள் என அவர் வலியுறுத்தியுள்ளார்.
முதல்வரின் ஒவ்வொரு செயல்பாடும் மெய்சிலிர்க்க வைக்கிறது என நடிகர் வடிவேலு புகழ்ந்திருக்கிறார்.
தி.மு.க.வுக்கு ஆதரவாக பிரசாரம் செய்த போது தான் படங்களில் நடிப்பது தவிர்க்கப்பட்டது.தற்போது மீண்டும் தி.மு.க ஆட்சிக்கு வந்துள்ளதால் படங்களில் நடிப்பதற்கான வாய்ப்பிருக்கிறதா என செய்தியாளர்கள் நடிகர் வடிவேலுவிடம் கேள்வி எழுப்பியுள்ளனர்.
இதற்கு பதிலளித்த நடிகர் வடிவேலு நல்லதே நடக்கும் என தெரிவித்திருக்கிறார்.
மேலும் அனைவரும் தடுப்பூசி போட்டுக்கொள்ள வேண்டும் எனவும் அவர் வலியுறுத்தி இருக்கிறார்.
தற்போது தமிழகத்தில் பரபரப்பாக பேசப்பட்டு வரும் கொங்கு நாடு குறித்து அவரிடம் செய்தியாளர்கள் வினவியுள்ளனர்.
நல்லா இருக்கிற தமிழ்நாட்டை ஏன் பிரிக்கவேண்டும் என கேட்ட நடிகர் வடிவேலு, இதெல்லாம் கேட்கும் போது தலை சுற்றுகிறது என தெரிவித்துள்ளார்.
நல்லா இருக்குற தமிழ்நாட்டை தனித் தனியாக பிரித்தால் என்ன ஆவது? எனவும் கேள்வி எழுப்பியுள்ளார்.
