மக்களுக்காக உழைக்க காத்திருப்பதாகவும், ஆதரவு தருமாறும் உதயநிதி ஸ்டாலின் டுவிட்டரில் பதிவிட்டிருக்கிறார்.
”சென்னை சேப்பாக்கம் – திருவல்லிக்கேணி மக்களுக்காக உழைக்கக் காத்திருக்கிறேன், ஆதரவு தாருங்கள்” என உதயநிதி டுவிட் செய்துள்ளார்.
திமுக சார்பில் சேப்பாக்கம்- திருவல்லிக்கேணி தொகுதியில் அக்கட்சியின் இளைஞரணி செயலாளர் உதயநிதி ஸ்டாலின் போட்டியிடுவதாக அறிவிப்பு வெளியானதை அடுத்தே அவர் இந்தப் பதிவை இட்டுள்ளார் .
தான் முதல்முறையாக இந்த சட்டப் பேரவைத் தேர்தலில் களமிறங்கி உள்ளதால் தொகுதி மக்களின் ஆதரவு தேவை எனவும் குறிப்பிட்டுள்ளார்.
உதயநிதி ஸ்டாலின் இம்முறை தேர்தலில் நிற்க மாட்டார் என பேசப்பட்டு வந்த நிலையில் , திமுக சார்பில் வெளியான வேட்பாளர் பட்டியலில் உதயநிதி போட்டியிடுவது உறுதியாகி உள்ளது.
இம்முறை திமுக நேரடியாக 173 தொகுதிகளில் போட்டியிடுகின்றமை குறிப்பிடத்தக்கது.
2021 சட்டமன்றத் தேர்தலில் சேப்பாக்கம் – திருவல்லிக்கேணி தொகுதியில் கழகத்தின் சார்பில் போட்டியிடுகிற வாய்ப்பை வழங்கிய தலைவர் @mkstalin அவர்களுக்கும் தலைமைக்கழகத்துக்கும் நன்றி. சேப்பாக்கம் – திருவல்லிக்கேணி மக்களுக்காக உழைக்கக் காத்திருக்கிறேன். ஆதரவு தாருங்கள்.அன்பும் நன்றியும். pic.twitter.com/6ao1yqBz2y
— Udhay (@Udhaystalin) March 12, 2021
