காங்கிரஸ் தொகுதி பங்கீடு குறித்து பேசியுள்ள அக்கட்சியின் மூத்த தலைவர்களில் ஒருவரான மணிசங்கர் ஐயர், 25 தொகுதிகளில் கிடைத்ததில் மகா திருப்தி என தெரிவித்திருக்கிறார்.
அதிக இடங்களை வாங்கி தோற்பது காங்கிரஸு க்கு நல்லது இல்லை என அவர் கருத்து தெரிவித்திருக்கிறார்.
தொகுதி பங்கீடு பிரச்சினையில் இழுபறி நிலை ஏற்பட்டதால்,18 தொகுதிகளை தருவதாக கூறி வந்த திமுக கூட்டணியில் காங்கிரஸ் நீடிக்குமா என்ற கேள்வி எழுந்த நிலையில் 25 தொகுதிகள் இறுதி செய்யப்பட்டது.
இதனையடுத்து பேசியுள்ள காங்கிரஸ் மூத்த தலைவர் மணிசங்கர் ஐயர், காங்கிரஸுக்கு 25 தொகுதிகளில் இடம் கிடைத்திருப்பதே திருப்தி என கூறியிருக்கிறார்.
தி.மு.க தலைமையிலான கூட்டணிக்கு தான் வெற்றி உறுதி எனவும் 25 தொகுதிகளில் 20 தொகுதிகளில் வெற்றி பெற்றால் அதுவே மிகப்பெரிய விஷயம் எனவும் அவர் தெரிவித்திருக்கிறார்.
