தமிழக சட்டமன்ற தேர்தல் அடுத்த மாதம் 6 ஆம் திகதி நடைபெற உள்ளநிலையில் தேர்தலுக்கான அதிமுக வேட்பாளர்களின் முதல் கட்ட பட்டியலை அக்கட்சி தலைமை வெளியிட்டிருக்கிறது.
முதலமைச்சர், துணை முதலமைச்சர் , 4 அமைச்சர்களின் பெயர்கள் மற்றும் தொகுதிகளின் விபரங்கள் என்பன இந்தப் பட்டியலில் அடங்கும்.
அதன்படி முதலமைச்சர் எடப்பாடி பழனிசாமி, சேலம் மாவட்டம் எடப்பாடி சட்டமன்றத் தொகுதியில் போட்டியிடுகிறார்.
துணை முதலமைச்சர் ஓ .பன்னீர்செல்வம் தேனி மாவட்டம் போடிநாயக்கனூர் தொகுதியில் போட்டியிடுகிறார்.
விழுப்புரத்தில் சி.வி.சண்முகம், ஸ்ரீவைகுண்டத்தில் எஸ்.பி.சண்முகநாதன் ஆகியோர் போட்டியிடுகின்றனர் .
ராயபுரத்தில் மீன்வளத்துறை அமைச்சர் ஜெயக்குமார் போட்டியிடுகிறார்.
மீதமுள்ள வேட்பாளர்கள் பட்டியல் குறித்த அறிவிப்பு மிக விரைவில் வெளியாகும் என எதிர்பார்க்கப்படுகிறது.
