இந்தியா,இஸ்ரேல் நாட்டிடம் இருந்து வாங்கிய லைட் வெயிட் மெஷின் துப்பாக்கிகள் ஒரு பாகம் இந்தியா வந்தடைந்துள்ளன.
இதில் முதல்கட்டமாக 6000 லைட் வெயிட் மெஷின் துப்பாக்கிகள் இந்திய ராணுவத்திற்கு வந்து சேர்ந்துள்ளன.
இதில் 6 ஆயிரம் எந்திரத் துப்பாக்கிகள் மும்பை, ஜபல்பூரில் பரிசோதிக்கப்பட்டுள்ளன. மீதமுள்ள துப்பாக்கிகள் வரும் மார்ச் மாதம் இந்தியா வர இருப்பதாக கூறப்படுகிறது.
நெகவ் எல்எம்ஜி எனப்படும் 16 ஆயிரத்து 479 இலகுரக இயந்திரத் துப்பாக்கிகளை இஸ்ரேல் ஆயுத தயாரிப்பு நிறுவனத்திடம் வாங்க கடந்த ஆண்டு மார்ச்சில் 880 கோடி ரூபாய்க்கு ஒப்பந்தம் போடப்பட்டது.
இந்த இலகுரக இயந்திரத் துப்பாக்கிகள் முன்கள ராணுவ வீரர்கள் எளிதாக பயன்படுத்தும் வகையில் அமைந்துள்ளதாக கூறப்படுகிறது.
இந்தியா தொடர்ந்து நவீன ரக ஆயுதக் கொள்வனவில் ஈடுபட்டுள்ளது குறிப்பிடத்தக்கது.
