தமிழ்த் திரையுலகின் பிரபல பின்னணி பாடகர் மாணிக்க விநாயகம் காலமானார்.
உடல் நலக்குறைவால் பாதிக்கப்பட்டிருந்த மாணிக்க விநாயகம், தனது 78 வயதில் இன்று காலமானதாக அவரின் உறவினர்கள் தெரிவித்துள்ளனர்.
2001 ஆம் ஆண்டில் ’தில்’ திரைப்படத்தில் ‘கண்ணுக்குள்ள ஒருத்தி’ என்ற பாடல் மூலம் தனது திரைப்பயணத்தை தொடங்கிய இவர், பல்வேறு மொழிகளில் 800க்கும் மேற்பட்ட திரைப்பட பாடல்களை பாடியுள்ளார்.
இதேவேளை பக்தி பாடல்கள் மற்றும் நாட்டுப்புற பாடல்களையும் பாடியுள்ள மாணிக்க விநாயகம், திருடா திருடி, கம்பீரம், பேரழகன் உள்ளிட்ட தமிழ் படங்களிலும் நடித்துள்ளார்.
இவரது மறைவுக்கு தமிழ் திரையுலகைச் சேர்ந்த பலரும் இரங்கல் தெரிவித்து வருகின்றனர்.
