விஷால் நடித்து வரும் புதிய படத்துக்கு ‘லத்தி’ எனப் பெயரிடப்பட்டுள்ளது.
நடிகர் விஷாலின் 32 ஆவது படமான லத்தி திரைப்படம் குறித்த அறிவிப்பை தனது டுவிட்டரில் வெளியிட்டுள்ளார்.
அறிமுக இயக்குநர் ஏ.வினோத் இயக்கத்தில் உருவாகும் புதிய படமான லத்தியில் கவனம் செலுத்தி வருகிறார் விஷால்.
தமிழ், தெலுங்கு, மலையாளம், கன்னடம் மற்றும் இந்தி ஆகிய மொழிகளில் இந்தப் படம் தயாராகவுள்ளது.இதில் விஷாலுக்கு நாயகியாக சுனைனா நடித்து வருகிறார்.
நடிகர் பிரபு முக்கிய கதாப்பாத்திரத்தில் இந்த படத்தில் நடித்து வருகிறார்.இந்தப் படத்தின் முதற்கட்ட படப்பிடிப்பு தற்போது நிறைவடைந்துள்ளது.இது விஷால் நடிப்பில் உருவாகும் 32
ஆவது படமாகும்.
இந்தப் படத்துக்கு ‘லத்தி’ எனப் பெயரிட்டுள்ளது படக்குழு.
லக்கி திரைப்படத்திற்கு இசையமைப்பாளராக சாம் சி.எஸ் பணிபுரிகிறார்.
லத்தி திரைப்பட போஸ்டரில் காக்கிச் சட்டை காண்பிக்கப்பட்டுள்ளது கவனத்தை ஈர்த்துள்ளது.
முக்கியமாக விஷால் இந்த திரைப்படத்தில் பொலிஸ் வேடத்தில் நடிப்பது மட்டும் போஸ்டரை பார்க்கும்போது உறுதியாகியுள்ளது.
வழக்கம்போல் விஷாலின் திரைப்படங்களில் ஆக்சன் காட்சிகளுக்கு குறைவே இருக்காது. அதே போல் இந்த லத்திசார்ஜ் திரைப்படத்திலும் ஆக்சன் காட்சிகள் இருக்கும் என நம்பலாம்.
லத்தி சார்ஜ் என படத்திற்கு பெயரிடப்பட்டுள்ளதால் படம் முழுவதும் ரணகளமாக இருக்கும் என எதிர்பார்க்கப்படுகிறது.
மேலும் ஆனந்த் ஷங்கர் இயக்கத்தில் விஷால்,ஆர்யா நடிப்பில் உருவாகியுள்ள படம் ‘எனிமி’.இந்தப் படத்தின் டப்பிங் பணிகள் மும்முரமாக நடைபெற்று வருகின்றன.
இதனைத் தொடர்ந்து ‘வீரமே வாகை சூடும்’ படத்தின் இறுதிக்கட்டப் படப்பிடிப்பிலும் கவனம் செலுத்தி வருகிறார் விஷால்.
ஆகவே இந்த வருடம் விஷால் அடுத்தடுத்து பல படங்களில் ஒப்பந்தமாகி நடித்து வருகிறார்.அடுத்த வருடம் விஷாலின் திரைப்படங்கள் திரைக்கு வரும் என நாம் எதிர்பார்க்கலாம்.
