தமிழ் சினிமாவில் எல்லோரும் இன்று வரை திரும்பத் திரும்ப விரும்பி பார்க்கும் திரைப்படம் சந்திரமுகி.
இப்படத்தில் அந்த அளவுக்கு வைகைப்புயல் வடிவேலுவின் நகைச்சுவை காட்சிகள் இன்று வரை உயிர் கொடுத்துக் கொண்டிருக்கிறது.
இந்நிலையில், தற்போது சந்திரமுகி 2 திரைப்படத்தை எடுப்பதற்கு பேச்சுவார்த்தை நடைபெற்று வருகிறது.
சந்திரமுகி 2 திரைப்படத்தில் நாயகியாக நடிக்க அனுஷ்காவிடம் பேச்சுவார்த்தை நடத்தி வருவதாக தகவல் வெளியாகியுள்ளது.
பி.வாசு இயக்கத்தில் சூப்பர் ஸ்டார் ரஜினிகாந்த், ஜோதிகா, நயன்தாரா, பிரபு, வடிவேலு, நாசர் உள்ளிட்ட பலர் நடிப்பில் வெளியாகி மாபெரும் வரவேற்பை பெற்ற படம் தான் ‘சந்திரமுகி’ .
பி.வாசு இயக்கவுள்ள இந்தப் படத்தை சன் பிக்சர்ஸ் நிறுவனம் தயாரிக்கவுள்ளது.
நடிகர் ரஜினியின் அனுமதியோடு இந்தப் படத்தில் நாயகனாக ராகவா லாரன்ஸ் நடிக்கவுள்ளார்.
சந்திரமுகி பாகம் ஒன்றில் ஜோதிகாவின் கதாபாத்திரம் எல்லோராலும் புகழ்ந்து பேசப்பட்டது.
.
அதேபோல் ‘சந்திரமுகி 2’ படத்திலும் ஒரு முக்கியமான நாயகி கதாபாத்திரம் இருப்பதாக கூறப்படுகிறது.
இந்நிலையில், அந்த கதாபாத்திரத்தில் நடிப்பதற்கு நடிகை அனுஷ்காவுடன் படக்குழுவினர் பேச்சுவார்த்தை நடத்தி வருவதாக தகவல் வெளியாகி இருக்கிறது.
இந்தப் படத்தில் நகைச்சுவை நடிகர் வடிவேலு, சூப்பர் ஸ்டார் ரஜினிகாந்த் இருவரும் அடிக்கும் காமெடி லூட்டிகள் இன்றுவரை தவிர்க்க முடியாத காட்சிகள் ஆகும்.
தற்போது சந்திரமுகி பாகம் இரண்டிலும் வைகைப்புயல் வடிவேலு முக்கிய கதாபாத்திரத்தில் நடிக்கவுள்ளார்.
இதனால் சந்திரமுகி பாகம் 2 குறித்து ரசிகர்கள் மத்தியில் மிகுந்த எதிர்பார்ப்பு எழுந்துள்ளது.
