நடிகர் விஜயின் சென்னையை அடுத்த பனையூரில் உள்ள அலுவலகத்தில் அவரது ரசிகர்கள் விஜயின் முழு உருவச் சிலை ஒன்றை வைத்துள்ளனர்.
விஜய் மக்கள் இயக்க மாவட்ட பொறுப்பாளர்கள் கூட்டம்,சென்னை பனையூரில் உள்ள அலுவலகத்தில் நடைபெற்றது.
அப்போது,கர்நாடக மாநிலம்,மங்களூர் மக்கள் இயக்கம் சார்பில் அமைக்கப்பட்ட நடிகர் விஜயின் முழு உருவ சிலையை,விஜய் மக்கள் இயக்க செயலாளர் புஸ்ஸி ஆனந்த் திறந்து வைத்துள்ளார்.
இதனைத் தொடர்ந்து,விஜய் சிலையுடன் ரசிகர்கள் புகைப்படம் எடுத்துக் கொண்டனர்.
தற்போது விஜய்யின் இந்த சிலை குறித்த புகைப்படங்கள் சமூக வலைத் தளங்களில் வைரல் ஆகி வருகிறது.
தமிழ் சினிமாவில் முன்னணி நடிகராக வலம் வருபவர் விஜய்.இளம் ரசிகர்களால் தளபதி என புகழப்படும் இவர்,அயராத உழைப்பினால் தனக்கென தனி ரசிகர் பட்டாளத்தை உருவாக்கியுள்ளார்.
தமிழ் சினிமாவின் வசூல் நாயகன் என பெயரெடுத்துள்ள நடிகர் விஜய்,ரசிகர்களை ஒன்று திரட்டி தமிழகத்தில் பல்வேறு நலத்திட்ட உதவிகளை செய்து வருகிறார்.
பெரும் வெற்றி பெற்ற மாஸ்டர் படத்திற்கு பிறகு நடிகர் விஜய் தற்போது நெல்சன் திலீப் குமார் இயக்கத்தில் பீஸ்ட் படத்தில் நடித்து வருவது குறிப்பிடத்தக்கது.
