த்ரிஷா நடித்துள்ள பரமபதம் விளையாட்டு திரைப்படம் ஹொட் ஸ்டார் ஓடிடி தளத்தில் வெளியாக உள்ளதாக அறிவிக்கப்பட்டிருக்கிறது.
திருஞானம் இயக்கியுள்ள இந்தப் படத்தில் த்ரிஷா பிரதான கதாப்பாத்திரத்தில் நடித்திருக்கிறார்.அவருடன் ரிச்சர்ட்,நந்தா, ஏ.எல்.அழகப்பன், வேல் ராமமூர்த்தி உள்ளிட்ட பலர் நடித்துள்ளனர்.
24 ஹவர்ஸ் புரொடக்ஷன்ஸ் நிறுவனம் தயாரிப்பில் உருவாகியுள்ள பரமபதம் விளையாட்டு திரைப்பட பணிகள் அனைத்தும் முடிந்து வெளியீட்டுக்கு தயாராக இருக்கிறது.
கடந்த ஆண்டு பெப்ரவரி மாதம் வெளியாவதாக இருந்த இந்த படம் பின்னர் கொரோனா ஊரடங்கினால் வெளியிடுவதில் சிக்கல் ஏற்பட்டது.
தற்போது, இந்தப் படம் ஓடிடியில் வெளியிடப்படுவதாக படக்குழுவினர் அறிவித்திருக்கிறார்கள் .
ஹொட்ஸ்டார் ஓடிடி தளத்தில் ஏப்ரல் 14 ஆம் திகதி வெளியாகவுள்ளதாக அந்நிறுவனம் ட்விட்டர் பக்கத்தில் உறுதிப்படுத்தியுள்ளது.
தற்போது மணிரத்னம் இயக்கத்தில் உருவாகி வரும் பொன்னியின் செல்வன் படத்தில் நடித்து வருகிறார் த்ரிஷா.
அதேபோல், இவருடைய நடிப்பில் சதுரங்க வேட்டை 2 ,கர்ஜனை, ராங்கி, ஆகிய படங்கள் வெளியீட்டுக்கு தயாராகி உள்ளன.
