இளைய தளபதி விஜய் நடிக்கும் புதிய படத்தில் கதாநாயகியாக நடிகை பூஜா ஹெக்டே நடிக்க ஒப்பந்தமாகி இருப்பதாக அதிகாரபூர்வ அறிவிப்பு வெளியாகி இருக்கிறது.
நாயகிக்கான தேர்வில் ராஷ்மிகா மந்தனா,பூஜா ஹெக்டே,மாளவிகா மோகனன், ஆகியோரின் பெயர்கள் பரிந்துரைக்கப்பட்ட நிலையில், விஜய்க்கு ஜோடியாக பூஜா ஹெக்டே நடிக்க இருப்பதாக கூறப்படுகிறது.
அண்மையில் பேட்டி ஒன்றில் விளக்கம் அளித்த பூஜா, பேச்சுவார்த்தை நடந்ததாகவும், ஆனால் அதிகாரபூர்வமாக எந்த தகவலும் படக்குழு சார்பில் கூறப்படவில்லை என்று தெரிவித்திருந்தார்.
இந்நிலையில், தற்போது விஜய் 65 படத்தில் கதாநாயகியாக பூஜா ஹெக்டே இணைவதாக பட தயாரிப்பு நிறுவனம் அதிகாரபூர்வமாக அறிவித்துள்ளது.
பூஜா ஹெக்டே தமிழில் முகமூடி படத்தின் மூலம் நாயகியாக அறிமுகமானார்.
அதனை தொடர்ந்து தற்போது எட்டு வருடங்களின் பின்னர் மீண்டும் தமிழ் சினிமாவிற்கு அதுவும் முன்னணி ஹீரோவுடன் நடிக்க வந்துள்ளார்.
தொடர்ச்சியாக தெலுங்கில் கவனம் செலுத்திவந்த பூஜா ஹெக்டே , ரங்கஸ்தலம், அல வைகுந்தபுரம்மலு உள்ளிட்ட படங்களில் நடித்து இருந்தார்.
தற்போது தெலுங்கு முன்னணி ஹீரோ பிரபாஸ் உடன் ராதே ஷ்யாம் படத்தில் நடித்து வருகிறார்.
கோலமாவு கோகிலா, டாக்டர் உள்ளிட்ட படங்களை இயக்கிய நெல்சன் திலீப்குமார் இயக்கும் புதிய படத்தில் தளபதி விஜய் நடிக்கிறார்.அனிருத் இந்தப்படத்திற்கு இசையமைக்கிறார்.
விஜய் 65 படத்திற்கான முதற்கட்ட வேலைகள் தற்போது நடைபெற்று வருகின்றன.
