மீண்டும் ஜோடி சேரும் விக்ரம்,சிம்ரன்

கோப்ரா,பொன்னியின் செல்வன் ஆகிய படங்களை முடித்த கையோடு இயக்குனர் கார்த்திக் சுப்புராஜ் இயக்கவுள்ள சீயான் 60 படத்தில் விக்ரம் நடிக்கவுள்ளார்.

கோப்ரா படத் தயாரிப்பாளர் லலித் குமார் தான் இந்த சீயான் 60 படத்தையும் தயாரிக்கவுள்ளதாக கூறப்படுகிறது.இந்த படத்திற்கு அனிருத் இசையமைக்கவுள்ளார் .

இந்த சீயான் 60 படத்தில் விக்ரம், சிம்ரன் இருவரும் இணைந்து நடிக்கவுள்ளது குறிப்பிடத்தக்கது .

இந்தப் படத்தில் விக்ரமுடன் அவரது மகன் துருவ் விக்ரமும் இணைந்து நடிக்கவுள்ளதாக தகவல் வெளியாகி உள்ளது.

இருவரும் இணைந்து நடிக்கும் முதல் படமாக இது இருக்கும் என்பதால் ரசிகர்களிடையே மிகுந்த எதிர்பார்ப்பு எழுந்துள்ளது.

இதில் மேலும் ஒரு கதாநாயகி ஒப்பந்தமாகியிருக்கிறார். சின்னத்திரை நயன்தாரா என கூறப்படும் வாணிபோஜன் சீயான் 60 படத்தில் நடிக்கவுள்ளார். இவர் துருவ் விக்ரமுக்கு ஜோடியாக இருக்கலாம் என கருதப்படுகிறது.

மேலும் விக்ரம் நடிப்பில் உருவாகிவரும் துருவ நட்சத்திரம் படத்தில் சிம்ரன் முக்கிய கதாபாத்திரத்தில் நடித்து வருவதும் குறிப்பிடத்தக்கது.

இதனை அடுத்து தற்போது சீயான் 60 படத்திற்கு அவர் ஒப்பந்தமாகியிருக்கிறார்.

சீயான் 60 படத்தில் பல முக்கிய நட்சத்திரங்களும் நடிக்கவுள்ளதாக கூறப்படுகிறது.