நீண்ட இடைவெளியின் பின்னர் நடிகர் ஸ்ரீகாந்த் நடித்துள்ள ’மிருகா’ திரைப்படத்தின் டிரெய்லர் வெளியிடப்பட்டுள்ளது .
இந்த ட்ரைலரை நடிகர் தனுஷ் தனது டுவிட்டர் பக்கத்தில் வெளியிட்டுள்ளார் .
சினிமாவின் ஆரம்பத்தில் சாக்லேட் பாயாக, ஹீரோவாக கலக்கிய முன்னணி நடிகர் ஸ்ரீகாந்த் சில காலமாக படங்கள் எதுவும் இன்றி இருந்தார் .
இந்நிலையில் சமீபத்தில் படங்களில் நடிக்கப் போவதாக அறிவிப்பு வெளியாகி இருந்த நிலையில் தற்போது மிருகா படத்தில் அவர் முக்கிய வில்லன் வேடத்தில் நடித்திருப்பதாக தகவல் வெளியாகியிருக்கிறது.
ஸ்ரீகாந்த், ராய் லட்சுமி, தேவி வைஷ்ணவி உள்ளிட்ட பலர் நடித்துள்ள இந்த திரைப்படத்தை பார்த்திபன் என்பவர் இயக்கியுள்ளார்.
Happy to release my good friend @Act_Srikanth #MirugaaTrailer : https://t.co/chiDblPJuu#GarjanaTrailer : https://t.co/lniOMJBROF
— Dhanush (@dhanushkraja) February 28, 2021
அருள் தேவ் இசையில் உருவாகியுள்ள இந்த படம் மார்ச் 5ஆம் திகதி வெளியாக உள்ளது. இந்த படத்தில் புலி ஒரு முக்கிய கேரக்டரில் நடித்துள்ளது என்பது குறிப்பிடத்தக்கது.
மிருகா டிரெய்லர் தற்போது வைரல் ஆகி வரும் நிலையில் இந்த படத்தின் மீதான எதிர்பார்ப்பு அதிகரித்துள்ளது.
ஒரு திகிலூட்டும் த்ரில்லர் படமாக மிருகா உருவாகியுள்ளது ட்ரைலர் வாயிலாக நாம் அறிய முடிகிறது.
தொடர்ச்சியாக கொலைகள் செய்யும் கேரக்டரில் நடிகர் ஸ்ரீகாந்த் நடித்துள்ளது இந்த படத்தின் டிரைலரை பார்க்கும் போதே தெரிகிறது .
இந்த படம் நடிகர் ஸ்ரீகாந்துக்கு அடுத்தடுத்த சினிமா வாய்ப்பிற்கான கதவை திறந்து விடுமா என்பதை பொறுத்திருந்து பார்க்கலாம்.
