அடுத்தடுத்து படங்களில் கலக்கும் ஜெயம் ரவி

தற்போது ஜெயம் ரவி நடிப்பில் பூமி படம் வெளியாவதற்கு தயாராக இருக்கிறது. இந்நிலையில் ஜெயம் ரவியின் அடுத்த படம் குறித்த புதிய அறிவிப்பும் வெளியிடப்பட்டுள்ளது.

இயக்குனர் கல்யாண் இயக்கத்தில் உருவாகவுள்ள புதிய படத்தில் ஜெயம் ரவி நாயகனாக நடிக்கிறார். பூமி படத்தை தொடர்ந்து மணிரத்னம் இயக்கத்தில் உருவாகி வரும் பொன்னியின் செல்வன் மற்றும் அஹமத் இயக்கத்தில் உருவாகி வரும் ஜனகணமன ஆகிய படங்களிலும் ஜெயம் ரவி நடித்து வருகிறார்.

இந்த படங்களை தொடர்ந்து ஸ்கிரீன்ஸ் சீன் நிறுவனம் தயாரிக்கும் மூன்று படங்களில் நடிக்க ஒப்பந்தமாகியுள்ளதாக தகவல் வெளியாகியுள்ளது.

முன்னதாக கல்யாண் இயக்கத்தில் பூலாேகம் என்ற படத்தில் ஜெயம் ரவி நடித்திருந்தார். இந்நிலையில் கல்யாணின் அடுத்த படத்திலும் ஜெயம் ரவி நடிக்கவுள்ளமை குறிப்பிடத்தக்கது.

2015 ஆம் ஆண்டு வெளியான பூலோகம் திரைப்படத்தில் ஜெயம் ரவி, திரிஷா, பொன்வண்ணன் உள்ளிட்ட பலர் நடித்திருந்தனர்.இந்தப் படம் விமர்சன ரீதியாகவும், வசூல் ரீதியாகவும் நல்ல வரவேற்பை பெற்றது .

அடுத்த படத்தை இயக்க நீண்ட நாட்களாக முயற்சியில் ஈடுபட்டிருந்த இயக்குனர் கல்யாணுக்கு ஜெயம் ரவி அடுத்த பட வாய்ப்பை வழங்கி இருப்பது குறிப்பிடத்தக்கது.

ஜெயம்ரவி நடிப்பில் உருவாகும் இந்த படத்தை ஸ்கிரீன் சீன் நிறுவனம் பெரும் பொருட்செலவில் தயாரிக்க உள்ளதாக கூறப்படுகிறது.

இதற்கான முதற்கட்ட பணிகளில் பூலோகம் படக்குழுவினர் விறுவிறுப்பாக ஈடுபட்டுள்ளனர். ஜெயம் ரவியின் எல்லாப் படங்களின் தேர்வும் ஒவ்வொரு திரைக் கதையை சார்ந்ததாக வித்தியாசமானதாக இருக்கும்.

இந்நிலையில் அடுத்த படம் எவ்வாறான கதைக்களத்துடன் உருவாக்கப்படவுள்ளது என பொறுத்திருந்து பார்க்கலாம்.