அறிமுக இயக்குனர் ஒருவரின் புதிய படத்திலேயே கதிர் மற்றும் ஆனந்தி ஆகியோர் நடிக்க உள்ளதாக தகவல் வெளியாகியிருக்கிறது.
பரியேறும் பெருமாள் படத்திற்கு பிறகு நடிகர் கதிர் உடன் கயல் ஆனந்தி ஜோடி சேர்ந்திருப்பதால் ரசிகர்கள் மத்தியில் எதிர்பார்ப்பு அதிகரித்துள்ளது.
இவர்களுடன் கைதி படத்தில் அதிரடியான நடிப்பை வெளிப்படுத்தி அனைவரதும் கவனத்தை ஈர்த்த நடிகர் நரேன் ஒரு முக்கியமான கதாபாத்திரத்தில் நடிக்க உள்ளதாகவும் சொல்லப்படுகிறது.
ட்ராமா திரில்லர் படமாக உருவாகும் இந்தப்படத்தை அறிமுக இயக்குனர் சாக் ஹாரிஸ் என்பவர் இயக்குவதாக தகவல் வெளியாகியிருக்கிறது. இந்த படத்தை AAAR புராெடக்சன்ஸ் நிறுவனம் தயாரிக்கிறது.
இந்த படம் சென்னை மற்றும் கேரள பகுதிகளில் படமாக்கப்பட உள்ளதாக தகவல் வெளியாகியுள்ளது.
தமிழ் திரையுலகில் இது தங்களின் முதல் திரைப்படம் எனவும் ,தொடர்ந்து நல்ல கதையம்சத்துடன் ரசிகர்கள் விரும்பும் தரமான படங்களை கொடுக்க உள்ளதாக அந்த தயாரிப்பு நிறுவனம் கூறியிருக்கிறது.
இயக்குனர் சாக் ஹாரிஸ் தமிழ் சினிமாவில் பல்வேறு திறன்மிகு கலைஞர்களுடன் வேலை செய்து உள்ளதாகவும் இந்த திரைப்படத்தை மிக தரமான படைப்பாக உருவாக்குவார் என்ற நம்பிக்கை உள்ளதாக தயாரிப்பு நிறுவனம் தெரிவித்துள்ளது.
பரியேறும் பெருமாள் படத்தில் கதிர் ,ஆனந்தி இருவரின் கெமிஸ்ட்ரி அற்புதமாக இருந்ததால் , இந்த படத்திலும் அவர்களின் கதாபாத்திரம் பேசத் தக்க வகையில் அமையும் எனத் தெரிகிறது.
இந்த படத்தில் பல முன்னணி நடிகர்கள் இணைந்து நடிக்கவுள்ளனர். விரைவில் இந்த புதிய திரைப்படத்திற்கான அதிகாரபூர்வ அறிவிப்பு வெளியிடப்படும் என தயாரிப்பு நிறுவனம் கூறியுள்ளது.
