பா.இரஞ்சித் இயக்கத்தில் ஆர்யா நடிப்பில் உருவாகி இருக்கும் ‘சார்பட்டா பரம்பரை’ படத்தின் பர்ஸ்ட் லுக் வெளியிடப்பட்டுள்ளது.
இந்த திரைப்படத்திற்காக நடிகர் ஆர்யா கடினமான உடற்பயிற்சிகளை மேற்கொண்டு தனது உடலமைப்பை முற்றிலுமாக மாற்றி நடித்திருக்கிறார்.
ஃபர்ஸ்ட் லுக் போஸ்டரை பார்க்கும்போது இடைக்கால நிகழ்வுகளை ஞாபகப்படுத்துவதாக இருக்கிறது.
அவரோடு நடிக்கும் ஜான் கோகேன், கலையரசன், சந்தோஷ் பிரதாப், சபீர் ஆகியோரும் இப்படத்திற்காக கட்டுமஸ்த்தான உடற்கட்டோடு இருப்பது படத்திற்கான வடிவமைப்பை காட்டுகிறது.
வடசென்னை பகுதியில் வசிக்கும் மக்களின் வாழ்வியலில் கலந்த விளையாட்டாக இருக்கும் குத்துச்சண்டையை மையமாக வைத்து, அனல் பறக்கும் ஆக்சன் திரைப்படமாக உருவாக்கியிருக்கிறார் இயக்குநர் ரஞ்சித்.
ஏற்கெனவே ஜெயம் ரவி நடிப்பில் குத்துச் சண்டையை மையப்படுத்தி வெளிவந்த பூலோகம் என்ற திரைப்படம் வெற்றி நடை போட்டது. ஆகவே இந்த சார்பட்டா பரம்பரை படமானது எவ்வகையான மையக்கருத்தை உள்ளடக்கியதாக இருக்கும் என்பதை நாம் பொறுத்திருந்துதான் பார்க்க வேண்டும்.
இதில் கதாநாயகியாக துஷாராவும் ,நடிகர் பசுபதி முக்கிய வேடத்திலும்,இவர்களோடு அனுபமா ,ஜான் விஜய், காளி வெங்கட், ஆகியோரும் நடித்திருக்கிறார்கள்.
படத்தின் முக்கிய பலமே குத்துச்சண்டை காட்சிகள் தான் என்பதால், தேசிய விருது பெற்ற இரட்டையர்கள் அன்பறிவ் சண்டைக்காட்சிகளை வடிவமைத்திருக்கிறார்கள்.
இந்த படத்திற்கு சந்தோஷ் நாராயணன் இசையமைத்திருக்கிறார்.
அத்தோடு மிகுந்த குதூகலிப்புடன் ஆர்யா இப்படத்தின் ஃபர்ஸ்ட் லுக்கை தனது டுவிட்டர் பக்கத்தில் பகிர்ந்துள்ளார்.தற்போது ஃபர்ஸ்ட் லுக் வெளியாகி சமூக வலைதளங்களில் வைரலாகியுள்ளது.
Can’t thank you enough for the dream project @beemji Love u sir 😘😘 @KalaiActor @Actorsanthosh @johnkokken1 @Music_Santhosh @anbariv @EditorSelva @kaaliactor @muraligdop @officialdushara Thanks everyone for making this special 🤗🤗😍😍#Alhamdulillah pic.twitter.com/29ak1fUYXI
— Arya (@arya_offl) December 2, 2020
Thanks a million for the overwhelming love #Sarpattaparambarai 😘#Grateful
Wouldn’t have been possible without all actors workin so dedicatedly Love u all 😍@KalaiActor @Actorsanthosh @johnkokken1 @ActorMuthukumar #Pasupathy @officialdushara #johnvijay @kaaliactor 😍@K9Studioz pic.twitter.com/GpPGgfdAJV— Arya (@arya_offl) December 3, 2020
