நடந்து முடிந்த ஐபிஎல் தொடரில் கொல்கத்தா அணிக்காக விளையாடிய தமிழகத்தை சேர்ந்த கிரிக்கெட் வீரர் வருண் சக்கரவர்த்தி,நடிகர் விஜய்யை சந்தித்த புகைப்படத்தை தனது டுவிட்டரில் வெளியிட்டுள்ளார்.
சமீபத்தில் கொல்கத்தா அணியினர் தாம் பயிற்சியில் ஈடுபடும் புகைப்படங்கள் சிலவற்றை டுவிட்டரில் பதிவிட்டிருந்தனர்.
இதில் வருண் தன்கையில் தளபதி விஜய்யின் படத்தை பச்சை குத்தியிருந்தது தெரிய வந்தது.
இதனைப் பார்த்த விஜய்யின் ரசிகர்கள் இந்த புகைப்படத்தை சமூக வலைத்தளங்களில் வைரலாக்கி வந்தனர் .நடிகர் விஜய்யை நேரில் சந்திக்க விரும்புவதாக பல நேர்காணல்களில் வருண் சக்கரவர்த்தி கூறியிருந்தது குறிப்பிடத்தக்கது .
இந்நிலையில் தற்போது அவரின் கனவு நிஜமாகி உள்ளது .
விஜய்யை சந்தித்து இருவரும் இணைந்து எடுத்துக்கொண்ட புகைப்படத்தை வருண் தனது டுவிட்டரில் வெளியிட்டுள்ளார்.
இந்த புகைப்படத்தை விஜய் ரசிகர்கள் இணையதளத்தில் வைரலாக்கி வருகின்றனர்.
தற்போது காயம் காரணமாக அவுஸ்திரேலிய சுற்றுப்பயணத்தில் இருந்து விலகிய வருண் சக்கரவர்த்தி ஓய்வில் இருந்து வருகிறார்
இந்நிலையில் அவர் தளபதி விஜய்யை நேரில் சந்தித்து புகைப்படம் எடுத்தது முக்கிய நிகழ்வாக பார்க்கப்படுகிறது.
