எரிபொருள் நிரப்பு நிலையங்களுக்கு அருகில் பெட்ரோலுக்காக வரிசையில் காத்திருப்பதை தவிர்த்துக்கொள்ளுமாறு எரிசக்தி அமைச்சர் கஞ்சன விஜேசேகர கேட்டுக்கொண்டுள்ளார்.
பெட்ரோலுடன் இலங்கை வந்துள்ள கப்பலுக்கு நேற்று இரவே பணம் செலுத்தப்பட்டள்ளதாகவும், இதன்படி இன்று மாலையே அதில் உள்ள பெட்ரோல் தரையிறக்கப்படும் என்றும் அவர் தெரிவித்துள்ளார்.
இதனால் எரிபொருள் நிரப்பு நிலையங்களுக்கு பெட்ரோலை விநியோகிக்க குறைந்தது இரண்டு நாட்களாவது எடுக்கும் எனவும், ஆகவே வரிசையில் காத்திருப்பதை தவிர்த்துக்கொள்ளுமாறும் அமைச்சர் கேட்டுக்கொண்டுள்ளார்.
இதேவேளை, பாராளுமன்ற உறுப்பினர்களுக்கு குறைந்த விலையில் எரிபொருள் வழங்கப்படுவதாக பகிரப்பட்டுவரும் செய்திகளில் எவ்வித உண்மையும் இல்லை எனவும் அமைச்சர் இன்று பாராளுமன்றத்தில் விசேட அறிவித்தலை விடுத்து தெரிவித்துள்ளார்.
